Fyrsta ráðið er að vera alltaf með grímuna á sér, hvað sem á dynur. Litboltarnir skjótast úr hlaupinu á miklum hraða og geta valdið alvarlegum skaða ef þeir lenda í augum leikmanna.
Fátt er verra en að verða kúlulaus inni á velli. Vertu alltaf með nóg af kúlum á þér meðan á leik stendur. Notaðu pásurnar til að bæta við þig aukaskotum.
Spilið leikinn sem lið en ekki sem einstaklingar, ekki reyna að sigra allt hitt liðið upp á þitt einsdæmi.
Fyrir leiki er best að skipuleggja hverjir eiga að sækja og hverjir eiga að verja.
Reyndu að láta hitt liðið ekki vita hvar þú ert staðsettur á vellinum.
Reyndi að staðsetja andstæðingana inni á vellinum ef þeir eru að kalla sín á milli - þannig ertu skrefi á undan þeim.
Reyndu að fela allt sem glansar eða er áberandi, sérstaklega ef sólin skín.
Vertu ósýnileg/ur, líka þegar þú ert að skjóta á andstæðinginn.
Best er að sækja fram með því að skjóta hratt á andstæðinginn þannig að hann geti ekki staðið á fætur og svarað skothríðinni.
Hreyfðu þig oft og stutt í einu, vertu sem mest í skjóli.
Ekki láta hræðsluna ná tökum á þér, þú verður að vera á varðbergi, tilbúin/n, varkár, sniðug/ur, skapandi og óttalaus.
Ef þú hikar eða lætur hræðsluna ná tökum á þér muntu tapa leiknum.
Það lið sem spilar sem ein heild og hefur góð samskipti sín á milli meðan á leik stendur mun standa uppi sem sigurvegari.
Upplýsingar
.
